Спорт агенттигинин маалыматы боюнча, бул конкурстун негизги максаты — улуттук салттарды, символиканы жана Дүйнөлүк кочмандар оюндарынын рухун чагылдырган уникалдуу жана таасирдүү дизайнды иштеп чыгуу, ошондой эле заманбап ыңгайлуулук жана салтанат стандарттарына жооп берүү.
Конкурска дизайнерлер, модельерлер, костюм художниктери жана өзүнүн автордук иштеп чыгулары бар чыгармачылык топтор катыша алышат.
Дизайнга коюлган негизги талаптар:
- комплектке баш кийим, жогорку кийим, шым (эркектер үчүн) жана көйнөк (аялдар үчүн) кириши керек;
- стиль — улуттук, VI Дүйнөлүк кочмандар оюндарынын расмий символикасынын элементтерин колдонуу менен;
- материалдар — табигый (жибек, жүн, лен, пахта) материалдарга артыкчылык берилет;
- ар бир арызга бир комплектти даярдоонун сметасы тиркелиши керек.
Арыздар 2025-жылдын 17-ноябрына чейин кабыл алынат. Конкурс эки этапта өтөт: биринчи этапта эскиздерди тандоо, андан кийин эркектер жана аялдар үчүн даяр үлгүлөрдү сунуштоо.
Жеңүүчүлөр үчүн сыйлыктар:
- I орун — 150 000 сом;
- II орун — 100 000 сом;
- III орун — 80 000 сом.
Эң жакшы деп табылган иштер VI Дүйнөлүк кочмандар оюндарынын расмий иш-чараларында колдонулушу мүмкүн. Тандалган долбоорлордун бардык автордук укуктары Улуттук спорт түрлөрү дирекциясына өткөрүлөт.
