Маданият министрлигинин маалымат кызматынын маалыматы боюнча, көргөзмөгө Армения, Беларус, Казакстан, Кыргызстан жана Тажикстандан элдик усталар келишти.
Ачылыш аземине маданият, маалымат жана жаштар саясаты министринин биринчи орун басары Союзбек Надырбеков, Ош шаарынын вице-мэри Нурлан Закиров, ошондой эле жергиликтүү тургундар жана маданий тармактын өкүлдөрү катышты.
Көргөзмөнүн программасына көркөм искусство көргөзмөлөрү, элдик өнөрчүлүк ярмаркасы, автордук кино көрсөтүүлөрү, мода көрсөтүүлөрү, мастер-класстар, тегерек столдор, чыгармачыл лабораториялар жана театр премьералары кирет.
Art Expoнун негизги максаты — маданияттар аралык диалогду өнүктүрүү, салттуу жана заманбап искусствону колдоо, гуманитардык байланыштарды бекемдөө жана ТМД өлкөлөрү арасында чыгармачыл алмашууну кеңейтүү.
