КР Жогорку Кеңешинин депутаттарын шайлоого даярдык алкагында ички иштер органдарынын жеке курамы үчүн гарнизондук жыйын өткөрүлдү. Бул процесс облус Ички иштер башкармалыгынын начальниги, милициянын генерал-майору Мурат Борон уулу тарабынан жүргүзүлүп, жеке курамга кызматтык милдеттерин аткарууда тартипти, тактыкты жана дисциплинаны сактоо боюнча тапшырмалар берилди.
Шайлоо күнү милициянын негизги тапшырмалары төмөнкүлөр болот:
• коомдук тартипти жана коопсуздукту жогорку деңгээлде сактоо;
• шайлоо учурунда укук бузууларды жана кылмыштарды алдын алуу;
• мыйзамдарды катуу сактоо жана жеке курам арасында дисциплинаны көзөмөлдөө;
• жарандар менен сылык мамиле түзүү жана алардын укуктарын жана эркиндиктерин сыйлоо.
