«Франкофониянын Жазгы фестивалы-2026» Бишкектеги Француз альянсы тарабынан уюштурулат, 25-марттан 12-апрелге чейин өтөт. Француз тили жана маданияты борборунун маалыматына ылайык, иш-чаранын программасы франкоязыктуу маданияттардын көп түрдүүлүгүнө жана искусствосуна арналган маданий, билим берүү жана көңүл ачуу иш-чараларын камтыйт. Бул жылдын негизги темасы «Аялдар жана Франкофония» деп тандалган.
Фестивалдын уюштуруучүлөрүнүн арасында Франция, Швейцария элчиликтери, Кыргызстандан Европалык Союздун өкүлчүлүгү, ошондой эле Казакстандагы Бельгия жана Румыния элчиликтери жана 20дан ашык кыргызстандык өнөктөштөр бар.
Ачылыш
Фестиваль 2026-жылдын 25-мартында 18:30да француз пианисткасы Кристина Фонлюпттун концерти менен ачылат, ал белгилүү аялдарга арналган музыкалык программаны аткарат. Концерт Т.Сатылганов атындагы Улуттук филармонияда өтөт, иш-чарага кирүү акысыз билеттер менен болот.
2026-жылдын 7-10-апрелинде Бишкекте «Ала-Тоо» кинотеатрында франкофон кинофестивалы биринчи жолу өтөт, ал жерде Франция, Швейцария, Бельгия жана Румыниядан келген фильмдер көрсөтүлөт. Көрсөтүүлөргө кирүү да акысыз.
Фестивалдын ачылышында 7-апрелде 18:00да көрсөтүлүүчү биринчи фильм швейцариялык «Бон шуур Тичино» лентасы болот. Фильм оригинал тилдерде (француз, немец, италия) кыргыз, орус жана англис тилиндеги субтитрлер менен көрсөтүлөт. Билеттер www.kassir.kg сайтында жеткиликтүү.
«Франкофониянын Жазы» программасы кино көрсөтүүлөрдөн тышкары, бий шоу, мода көрсөтүүлөр, швейцариялык жана француз шараптарын дегустациялоо, сүрөт, кат жазуу жана ырдоо конкурстары, театрдык чыгыштар жана университеттерде ар кандай конференциялардан турат.
Ош шаарында 2026-жылдын 27-28-апрелинде фестивалдын бир катар иш-чаралары өтөт, анын ичинде Кристина Фонлюпттун концерти, «Бон шуур Тичино» фильминин көрсөтүлүшү, конференциялар жана башка иш-чаралар.
Негизги иш-чаралар:
- Кыргызстандан, Казакстандан жана Өзбекстандан аялдар командалары арасында эл аралык регби турнири 2026-жылдын 28-мартында Ош шаарында, 10:00дө ОшГУнун аянтында өтөт.
- Мона Лизага арналган конференция 2026-жылдын 2-апрелинде 16:00дө Кыргызстандын Улуттук тарых музейинде өтөт.
- Дизайнерлер союзунун мода көрсөтүүсү 2026-жылдын 4-апрелинде 15:00дө Novotel Бишкекте пландалган.
- Хип-хоп бий фестивалы Groove Republic 2026-жылдын 12-апрелинде жекшемби күнү TechnoPark Бишкекте өтөт.
Жабылуу аземи
Фестивалдын акыркы иш-чарасы жана конкурстардын жеңүүчүлөрүн сыйлоо 2026-жылдын 12-апрелинде 14:00дө Novotel Бишкекте өтөт. Кирүү чакыруулар боюнча.
