Бишкекте «Манас» маданий борборунун курулушунун башталышын билдирген убакыт капсуласын коюу аземи өттү. Бул маанилүү иш-чарада Кыргыз Республикасынын президентинин иштерин башкаруучу Каныбек Туманбаев катышып, жаңы комплекс түзүү боюнча иштердин башталышын жарыялады.
2 гектар жер тилкесинде улуттук маданиятты өнүктүрүүгө жана тарыхый мурастарды сактоого жардам берүүчү уникалдуу маданий объект курулууда. Мындан тышкары, комплекс ар түрдүү форматтагы иш-чараларды өткөрүү үчүн ыңгайлуу шарттарды камсыздайт.
Имараттын жалпы аянты 6681 квадрат метрди түзөт.
Курулуш иштеринин аякташы 2027-жылдын экинчи кварталына пландалууда. «Манас» маданий борбору өз чыгымдарын өз кирешелери менен каржылап, өзүн-өзү актаган объект катары иштейт.
