4-мартта Ош облустук бириккен клиникалык ооруканасында төрт эмдүү балдар жарыкка келишти. Жаңы төрөлгөн балдардын энеси, 26 жаштагы Добо-Коргон айыл аймагынын тургуну, 32-аптасында эрте төрөт коркунучунун негизинде ооруканага жаткырылган. Ал үчүн биринчи жолу болгон төрөт кесарево операциясы менен өтүп, натыйжада үч кыз жана бир уул жарыкка келди.
Бүгүнкү күнү, бул жаш үй-бүлөгө колдоо көрсөтүү максатында, өлкө президенти аларга Ош шаарында толук жабдылган үч бөлмөлүү батир белек кылгандыгы маалым болду. Мындан тышкары, жаңы төрөлгөн балдарга кереуеттер жана арбалар тапшырылды.
