Бул иш-чаралар шаардагы экологиялык абалды жакшыртууга жана анын тургундарынын ден соолугун коргоого багытталгандыгы маалым болду.
Иш жүргүзүлүп жаткан жерде Кеминдин мэри, райондук аким жана анын биринчи орун басары болушту, алар иштин жүрүшүн жеке көзөмөлдөп турушту.
Учурда полигондо атайын техникалар колдонулуп, аймакты тазалоо жана калдыктарды көмүү боюнча активдүү иштер жүргүзүлүүдө.
Кемин шаарынын мэри Кайрат Абдывалиев бул участоктун аянты эки гектар экенин белгиледи.
«10 жылдан ашык убакыттан бери бул полигон таштандыны чогултууга колдонулуп келди. Учурда биз тазалоо иштерин жүргүзүп, аны шагыл жана топурак менен толтуруп, рекультивациялоого даярдап жатабыз», — деди ал.
Мындан тышкары, мэр корей инвесторлору менен таштандыны кайра иштетүү жана сорттоо заводуна байланыштуу долбоор боюнча кызматташуу жөнүндө маалымдады. Заводдун 2023-жылдын аягында же 2027-жылдын башында ишке кириши күтүлүүдө жана Кемин районунун бардык аймактарын тейлейт. Бул аймакты тазалоо жана толтуруу иштери бир жума ичинде аякталат.
Учурда башка райондордон таштанды убактылуу башка участкаларга чыгарылууда», — деп кошумчалады ал.
Объектилер
Спутник
⛶
