Иш-чаранын уюштуруучусу орус тарыхчысы жана просветитель Анна Эспарса болуп, жазуучунун юбилейлерине арналган материалдарды сунуштайт.
Выставкада коноктор Булгаковдун өмүрү тууралуу көптөгөн кызыктуу фактыларды билип, архивдик сүрөттөрдү, документтерди, ошондой эле анын чыгармаларынын ар кандай басылыштарын жана театралдык афишаларды көрө алышат. Экспозицияда жазуучунун чыгармачылыгындагы юмор жана анын чыгармаларынын фантастика жанры менен байланышы тууралуу маалыматтар, "Мастер жана Маргарита" менен Чингиз Айтматовдун "Плаха" романынын ортосундагы параллелдер да көрсөтүлөт.
Анна Эспарса выставка боюнча театралдаштырылган экскурсия өткөрөт жана катышуучуларга Булгаковдун чыгармачылыгын билгендиги үчүн баалуу сыйлыктарды жана белектерди утуп алуу мүмкүнчүлүгүн сунуштайт.
Выставка кыргыз жана орус тилдеринде жеткиликтүү болот, кирүү акысыз.Выставка аяктаган соң, 18:00дө Орус драма театрында "Мастер жана Маргарита" спектакли көрсөтүлөт.
Билеттерди театрдын кассаларынан же шилтеме аркылуу сатып алса болот.
МаалыматАнна Андреевна Эспарса - тарых илимдеринин доктору жана культуролог, "Достоевский" аттуу Россия боюнча онлайн-лекциялык курстун лектору. Ал ошондой эле Россиянын маанилүү тарыхый инсандыктары тууралуу просветительдик фильмдерди даярдоо менен алектенет жана бир катар орус жана европалык университеттерде чакырылган окутуучу болуп иштейт. Мурда Эспарса Кыргызстанда өзүнүн выставкаларын көрсөтүп келген.
