Транспорт министрлигинин маалыматына ылайык, Ысык-Көлдүн айланма жолунда, Корумду-Балбай Баатыр аймагында асфальтбетон жабындын экинчи катмары төшөлүүдө.
Мындан тышкары, тротуарлар жана веложолдор үчүн негиздерди даярдоо, ошондой эле суу өткөрүү түтүктөрүн орнотуу боюнча иштер уланууда.
Бул жол участкасы 17 айылдык пунктту камтыйт. Жол кыймылынын коопсуздугун камсыздоо үчүн бардык зарыл техникалык талаптар сакталууда, ошондой эле тиешелүү участкаларда убактылуу багыттоочу жана жол белгилери орнотулган.
Бул долбоор боюнча курулуш иштер 2024-жылдын 1-апрелинде башталган. Долбоордун алкагында жолду төрт тилкеге чейин кеңейтүү, тротуарлар жана веложолдорду куруу, ошондой эле эки жер алдындагы өтмөктү, 14 көпүрөнү жана 877 суу өткөрүү түтүгүн куруу каралган.
2025-жылдын курулуш сезону башталгандан бери участкта узундугу 79,2 км болгон асфальттын төмөнкү катмары жана 20,7 км болгон жогорку катмары төшөлдү. Мындан тышкары, 14 көпүрөнү жана эки жер алдындагы өтмөктү куруу жана реконструкциялоо боюнча иштер дээрлик аяктады.
