Министр Эрлист Акунбеков Ханчжоу шаарында жайгашкан жана маалыматтык технологияларга адистешкен «Цюаньибао» компаниясынын өкүлдөрү менен жолугушуу өткөрдү.
Министрликтин маалыматына ылайык, дрондор айыл чарба иштеринде, мисалы, өсүмдүктөрдү коргоо, талаалардын абалын мониторинг жүргүзүү жана жаан-чачын жасалма түрдө жаратуу иш-чараларын өткөрүү үчүн пайдаланылат. Ошондой эле дрондорду пайдалануу боюнча адистердин квалификациясын жогорулатуу үчүн окуу борборун түзүү идеясы талкууланды. Келечекте аталган компаниянын катышуусунда Кыргызстанда мындай дрондорду өндүрүү заводу куруу долбоору пландалууда, — деп белгиленет билдирүүдө.
