Мамлекеттин учурдагы чемпиону «Абдыш-Ата» А тобуна бөлүнүп, оюндар Бутанда өтүүдө.
25-октябрда өткөн биринчи туурда кантовчулар түркмөнстандык «Алтын Асыр» командасы менен беттешти. «Абдыш-Ата» артыкчылыкка ээ болуп, бир нече голдук мүмкүнчүлүктөрдү жаратууга аракет кылганына карабастан, аларды ишке ашыра алган жок.
Оюндагы маанилүү учур экинчи таймдын башында болду. 53-мүнөттө коргоочу Християн Браузман түз кызыл карточка алып, талаадан чыгарылды. Ал эми 58-мүнөттө жарым коргоочу Илкин Мурадов ката кетирип, каршылашынын колуна топ берди, ал болсо оюндагы жалгыз голду киргизди.
Натыйжада «Абдыш-Ата» минималдуу 0:1 эсебинде жеңилип, өз тобунда акыркы орунда калды. Кийинки туурда, 28-октябрда, команда омандык «Аль-Шабаб» менен беттешет.
Биринчи туурда Жалал-Абаддан келген команда тажикстандык «Регар ТадАЗ» менен ойноп, оюн 0:0 эсебинде тең чыкты.
Биринчи туурду аяктап, «Мурас Юнайтед» дагы өз тобунда акыркы 4-орунду ээлеп турат.
Экинчи туурда 28-октябрда жалал-абаддык команда ливандык «Аль-Сафо» менен беттешет.
«Түндүк» зонасынын топтук этабында 12 команда катышып, үч топко бөлүнгөн. Топтордун биринчи орундарын ээлеген командалар түз плей-оффко өтүп, үч топто 2-орунду ээлеген командага бир жолдомо берилет.
