Чжан чемпионго өз оюн таңуулай алган жок, бул анын карьерасындагы төртүнчү жеңилиши болду. Шевченко азыр 26 жеңиш жана төрт жеңилишке ээ, дагы бир беттеш тең чыкты.
Бул Нью-Йорктогу жеңиш 37 жаштагы спортчу үчүн подряд үчүнчү жеңиш болду. Ал ошондой эле бразилиялык Аманда Нуньестин UFC титулдук беттештердеги жеңиштеринин саны боюнча рекордун кайталад — 11. Ошентип, Шевченко UFC аялдардын эң жеңил салмактагы чемпиондук наамын сактап калды.
Акыркы гонгдон кийин Шевченко жеңишин машыктыруучусу Павел Федотовго арнады.
Ал каршылашынан күчтүү нокауттук соккулардан качуу тактикасынын маанилүү экенин жана аралыкта күрөшүүнү колдонгонун белгиледи.
Шевченко: "Бул олуттуу чакырык. Анын чындап эле күчтүү соккулары бар, ошондуктан мен кагылышуулардан качууга аракет кылдым, күрөшүүнү колдонуп, аралыкта иштедим. Бул аралаш жекеме-жеке өнөр" - деди.
Спортчу титулдун келечектеги коргоолору жөнүндө Наталия Силва жана Эрин Блэнчфилдди белгилеп айтты.
УФСтеги үстөмдүгүнөн ырахат алабы деген суроого чемпион оң жооп берди:
"Ооба, бул мен үчүн жөн гана спорт жана карьера эмес, жашоо стили. Саламаттык мүмкүнчүлүк бергенче, улантам. Мен командаларыма жана машыктыруучум Павел Федотовго ыраазымын — ал таң калыштуу адам жана машыктыруучу. Бул белек ага таандык", - деп кошумчалады.
