Кыргызстандык Антонина Шевченко, эжеси Валентина менен бирге, UFC — дүйнөдөгү эң ири аралаш жекпе-жек лигасында чыгышат.
Лас-Вегаста (АКШ) 26-июнда Дана Уайттын Контендер Сериес аттуу эл аралык турнири өттү. Бул турнир тандоо статусуна ээ болчу — жеңүүчүлөр UFC менен келишим түзүү мүмкүнчүлүгүнө ээ болушту.
Антонина Шевченко техникалык нокаут менен экинчи раундда америкалык Жаймелин Ньеверону жеңди, ал жаракат алган Аргентиналык Сильвана Хуарестин ордуна чыкты. Ошентип, Антонина UFC менен келишим түзүп, эжеси Валентина менен бир дивизиондо чыгышы күтүлүүдө. Азырынча Кыргызстандык спортчунун промоушенде качан дебют кыларын билүү мүмкүн эмес.
Валентина Шевченко UFCда 2015-жылдын аягынан бери чыгышууда. Эми Антонина менен бирге алар бул лигада биринчи кармашчы эжелер болуп калды.
