Бул маалыматты мелдештин катышуучусу Жылдыз Кузукеева бөлүштү.
Анын айтымында, марафондо 9 500 спортчу 56 өлкөдөн катышкан.
«Мен инклюзивдик категорияда 5 километрди 24,4 мүнөттө жүгүрүп, 1-орунду алдым. Ветерандар категориясында биздин жердешибиз, 72 жаштагы Дүйшөналы Арзыматов, 21 километрди 1 саат 51 мүнөттө жүгүрүп, биринчи болду. Биз менен катышкан Аман Момуналиев 1-орунду, ал эми Жылдызбек Мамытов 2-орунду алды. Башка катышуучулар да жакшы жыйынтыктарды көрсөтүштү», - деп билдирди Кузукеева.
