Ачылышка Чүй облусундагы президенттин ыйгарым укуктуу өкүлү Азамат Осмонов, эс алуучулар, спортту сүйүүчүлөр жана жергиликтүү тургундар катышты.
Иш-чара расмий түрдө 11:00дө башталып, көңүл ачуу жана концерттик программалар менен коштолду.
«Бул туризм жана спорт тармагындагы маанилүү демилгелердин бири. Биз жаштардын жана спорт сүйүүчүлөрүнүн бул иш-чарага кызыгуу менен катышып жатканын көрүп жатабыз, бул Чүй өрөөнүнүн туристтик жагымдуулугун арттырууга жардам берет. Чуңкурчак — Чүй облусундагы эң кооз жерлердин бири. Биз туристтик потенциалыбызды өнүктүрүүгө милдеттүүбүз. Жаңы жылдык майрамдарда бизге келип кетүүгө бардык элеңиздерди чакырам», — деп баса белгиледи ал.
Тоо лыжа базасы 2100 метр бийиктикте жайгашкан, бул жерде таза аба бар. Биз коопсуздук жана инфраструктура маселелеринде инвестиция салган ички инвесторлорду жана ишкерлерди колдойбуз.
Туризмди өнүктүрүү боюнча мамлекеттик демилгелер абдан маанилүү. Президенттин көрсөтмөлөрүнө ылайык, биз бизнес үчүн ыңгайлуу шарттарды түзүү боюнча активдүү кадамдарды жасап жатабыз, анын ичинде салык жеңилдиктери. Мурда спорт жана туризм тармагында иш алып барган жеке ишкерлер бюрократиялык тоскоолдуктарга жана уруксат алуу маселелерине туш болушкан. Эми, жаңы саясаттын жардамы менен, биз туризм тармагында жеке сектор үчүн бардык зарыл шарттарды түзүп жатабыз.
«Чуңкурчак тоо лыжа базасына алып бараткан бардык жолдор асфальтталган жана коопсуздукту камсыздайт», - деп белгиледи А. Осмонов.
