ACA 198 турнири боюнча 13 беттеш пландалган.
Башкы беттеште бразилиялык Хердесон Батиста рингге чыгат, ал ар бир беттешинде калпак кийип чыгары менен белгилүү. Бул жолу ал россиялык мушкер Дауд Шайхаев менен жеңил салмактагы убактылуу чемпиондук наам үчүн күрөшөт.
Салмак өлчөө церемониясы 8-январда өтүп, анда Батиста салттуу калпаксыз, бирок Бразилия жана Кыргызстан туулары менен бирге чыкты.
«Менде ар түрдүү өлкөлөрдөн, анын ичинде Кыргызстандан көп досторум бар. Грозныйда көпчүлүк менин атаандашымды колдосо да, Кыргызстандык агайындар менин жаныма турушат. Бул мага күч берет», - деди Батиста салмак өлчөөдө.
Ошондой эле турнире кыргызстандык Манас Имаров (13-6) россиялык Арби Агуев (39-13) менен беттешет.
