Бул иш-чарага КФСтин жетекчилиги жана команданын жаңы башкы машыктыруучусу Роберт Просинечки да катышты.
Ташиев визити учурунда команданын даярдык процесси менен таанышып, машыктыруучулар курамы жана оюнчулар менен жолугушту.
Ал эл аралык аренада өлкөнүн намысын абройлуу коргоо үчүн жогорку жоопкерчилик жана толук концентрациянын маанилүүлүгүн белгиледи.
КФС Олимпиада командасына бардык жагынан колдоо көрсөтүүнү улантууда, Азия Кубогунда ийгиликтүү чыгуу үчүн бардык зарыл шарттарды түзүүдө.
Белгилей кетсек, Азия Кубогунда (U-23) 6-январда өткөн биринчи матчында Кыргызстандын командасы хозяиндер командасы Сауд Аравиясына минималдуу 0:1 эсебинде утулуп калды. Топтук этаптын экинчи турунда команда 9-январда Бишкек убактысы боюнча 20:00дө Вьетнам менен ойнойт.
