Сорун 8-январдан 12-январга чейин Саудия Аравиясында өтүп, төрт команда чогулду.
Биринчи жарым финалда каталондуктар «Атлетик» командасын 5:0 эсебинде жеңишке жетишти, ал эми «Реал» Мадрид дербисинде «Атлетико» командасын 2:1 эсебинде жеңди.
«Барселона» менен «Реал» командаларынын финалдык оюну 12-январга караган түнү Джиддада өттү.
Каталондук команда минималдуу артыкчылык менен 3:2 эсебинде жеңишке жетишип, бул алардын турнирдеги 16-чы триумфу болду.
Эскерте кетсек, өткөн жылы ушул эле клубдар финалда беттешип, анда «Барселона» дагы жеңишке жетип, оюнду 5:2 эсебинде жыйынтыктаган.
2026-жылдагы Испаниянын футбол боюнча Суперкубогу
Финал
«Барселона» - «Реал» — 3:2
Голдор: Рафинья, 36 (1:0), Винисиус, 45+2 (1:1), Роберт Левандовски, 45+4 (2:1), Гонсало Гарсия, 45+6 (2:2), Рафинья, 73 (3:2)
