8-январда Джиддада ал Испаниянын Суперкубогу боюнча биринчи жарым финалдык матчта, «Барселона» жана «Атлетик» командаларынын беттешинде болду.
«Мен Кыргызстандын желегин алып келдим, аны өзүмө жаптым. Алгачкы текшерүү пунктунда менден желек жана анын жазуулары тууралуу сурай башташты. Мен бул менин өлкөмдүн желеги экенин түшүндүрдүм. Узун талкуулардан кийин волонтерлор бизди өткөрүп беришти», - деди Адилет.
Кыргызстандыктын айтымында, трибунага баратканда үч текшерүү пункты болгон.
«Экинчи пунктта бизди кайра токтотушту, желекке кызыгышып, акыры аны алып коюшту. Ошондой эле телефон үчүн петличный микрофонду да конфискациялашты. Буларды атайын блокко салып, чыгууда алууга болот», - деп улантты ал.
Испаниянын Суперкубогу Сауд Аравиясында алты жолу өткөрүлүп жатат.
Адилеттин белгилөөсү боюнча, жергиликтүү уюштуруу комитети стадионго матчка катышкан командалардын желектерин жана Сауд Аравиясынын желегин гана алып кирүүгө уруксат берген эрежени киргизишкен.
«Стадион 60 миңден ашык көрүүчүнү кабыл ала алса да, биз башка өлкөлөрдүн желектеринин көп эместигин байкадык. Чыгууда мен өз желегимди жана петличный микрофонумду кыйынчылыксыз кайтарып алууга жетиштим», - деп жыйынтыктады Адилет.
