«Мен турнир алдында бардык пландарыбыздын ишке ашканына кубанычтамын. Мен балдарга алардын чоң потенциалы үчүн ыраазычылык билдирем. Эгер алар өздөрүнө ишенишсе, аларды чоң мүмкүнчүлүктөр күтөт. Бардыгы өздөрүнө байланыштуу. Мен Кыргызстанда дээрлик бир жыл болуп калдым жана туруктуу түрдө матчтарды көрүп, чемпионаттын өнүгүшүн байкап жатам. Мында футболго болгон кызыгуунун маанилүү өсүшү байкалууда. Менин күйөрмандарга кайрылуум: бизге бир аз убакыт бериңиздер. 2002-жылы Бразилиядон Украинага келгенимди эстейм — абал окшош эле. Украина акырындык менен өнүгүп, көтөрүлүп жатты», — деди ал.
Машыктыруучу ошондой эле өзгөрүүлөр үчүн убакыт керек экенин баса белгиледи.
«Көптөгөн факторлор кыйынчылыктарды жаратууда, бирок маанилүү нерсе — реалдуу көз караш менен карап, келечек тууралуу ойлонуу», — деп кошумчалады ал.
Мурда биздин команда Сауд Аравиясына жана Вьетнамга утулуп калды, бирок акыркы турда жеңишке жетсе, плей-оффко чыгуу мүмкүнчүлүгүн сактап калмак.
Эскерте кетсек, турнир Сауд Аравиясында 16 команданын катышуусунда өтүүдө, алар төрт топко бөлүнгөн. Топтук этаптын жыйынтыгы боюнча эки мыкты команда плей-оффко өтөт.
