Кыргызстандын джиу-джитсу чемпионаты 24–25-январда Бишкек шаарындагы «Газпром» физкультура-сауыктыруучу комплексинде өттү. Турнирди өлкөнүн курама командасын түзүү үчүн Улуттук джиу-джитсу федерациясы уюштурду. Чемпионатка Кыргызстандын ар кайсы региондорунан жана ардагерлерден 300гө жакын спортчу катышты.
Кара-Балта шаарындагы «Манас» спорткомплексинен төрт спортчу катышты: эки жигит жана эки кыз - машыктыруучу Алмаз Мамбетовдун тарбиялануучулары. Соревнованын жыйынтыгы менен алардын үчөө медаль утту.
Камилла Молдобекова U-16 категориясында 63 кг салмакта Кыргызстандын чемпиону болуп, алтын медаль утту. Ал Борбордук Азия чемпионатына жолдомо алып, улуттук курама командага кирди.
Бакытова Азиза U-16 категориясында үчүнчү орунду ээледи.
Ахмедов Али U-16 категориясында 69 кг салмакта бронзалык медаль утту.
Кыргызстандын чемпионатында Атыхан Шабданов да өзүн көрсөттү. Ал 10 жашында Абу-Дабиде джиу-джитсу боюнча дүйнө чемпиону болгон. Азыркы чемпионатта U-14 категориясында 52 кг салмакта катышып, экинчи орунду алды. Учурда спортчу Бишкекте жашап, машыгып жатат, бирок анын биринчи устаты Алмаз Мамбетов, Кара-Балтадагы джиу-джитсу секциясынын негиздөөчүсү.
Соревнованын соңунда СК «Манас» джиу-джитсу клубунда белбоолор жана страйптарды тапшыруу аземи өттү. Сары белбоолорду Октай Махмудов, Бердали Токтогулов жана Хамза Асланов алышты. Кыргызстандын чемпиону Камилла Молдобековага оранжевый белбоо тапшырылды.
Команданын машыктыруучусу Алмаз Мамбетов спортчулардын ата-энелерине колдоо көрсөткөндүгү үчүн ыраазычылык билдирди.
Клубдун жакынкы пландарында грэпплинг боюнча эл аралык мелдештерге катышуу бар. Турнир 2026-жылдын 7–8-февралында өтөт. Анда Тажикстан, Түркмөнстан, Өзбекстан, Казакстан жана Кыргызстандан спортчулар катышат. СК «Манас» мелдеште төрт спортчу менен чыгат.
Мындан тышкары, 2026-жылдын 2–3-майында джиу-джитсу боюнча Борбордук Азия чемпионатын өткөрүү пландалууда, ага катышуу укугун Камилла Молдобекова алды.
