Расмий маалыматка ылайык, ал өз милдеттерин 16-марттан баштайт.
«Франциянын улуттук командасын жетектөө мен үчүн чоң сыймык. Мен дайыма ушул тууралуу кыялданчумун, анткени командада таң калыштуу оюнчулар бар. Менин милдетим — титулдарды жеңип алуу жана кайрадан үстөмдүк кылуу, өзгөчө Германия жана Дания сыяктуу командаларга карата», — деди Дуйшебаев.
Талант Дуйшебаев — 1992-жылдагы Олимпиада оюндарынын алтын медалынын ээси, 1993-жылдагы дүйнө чемпионатынын жеңүүчүсү, ошондой эле европалык жана олимпиадалык турнирдеги байгелүү орундардын ээси. Анын активинде оюнчу жана машыктыруучу катары Чемпиондор Лигасындагы жеңиштер да бар.
2023-жылдын июль айында аны Европалык гандбол федерациясынын (EHF) Даңк залына киргизишти.
