
Кыргызстанда учурда спорттук күрөш боюнча эл аралык машыгуу жыйындары өтүп жатат, бул тууралуу аталган спорттун федерациясы маалымдады.
Федерациянын маалыматына ылайык, Бишкекке Эстония жана Финляндиянын аялдар командалары келип, алар 17 жана 20 жашка чейинки спортчулардан турат.
«Жаштык» спорттук комплексинде өткөн машыгуунун биринде Кыргыз Республикасынын күрөш федерациясынын вице-президенти Айсулуу Тыныбекова катышып, катышуучуларга эстелик белектерди тапшырды.