Кытайда өткөн жыйында Кыргызстандын Физикалык маданият жана спорт агенттигинин директору Казыбек Молдажиев жана Юньнань ШОС маданияты жана спорту боюнча компаниясынын жетекчиси Чжан Син, Куньмин ШОС марафонун уюштурууну көзөмөлдөп, эки өлкө ортосундагы спорттук кызматташтыкты улантуу боюнча багыттарды макулдашышты.
Кеңешмеде Бишкекте өткөрүлүүчү эл аралык Run the Silk Road марафонун уюштурууга жана Шанхай кызматташтык уюмуна мүчө өлкөлөрдүн спорт министрлеринин жыйынына даярдыкка өзгөчө көңүл бурулду.
Тараптар Кыргызстандагы жети облуска колдоо көрсөтүү боюнча пикир алышып, регионалдык кызматташтыкты өнүктүрүүгө, спорттук инфраструктураны жакшыртууга жана өнөктөштүк байланыштарды тереңдетүүгө багытталган мүмкүн болгон биргелешкен демилгелерди жана долбоорлорду карашты.
Переговорлордун жыйынтыгында белгиленген тармактарда кызматташтыкты улантууга жана аракеттерди координациялоого даярдык тастыкталды.
Жыйын оң маанайда өтүп, эки тарап Кыргызстандын жана Кытайдын физикалык маданият жана спорт тармагындагы кызматташтыгын улантууга кызыктар экенин билдиришти.
Эскерте кетсек, эл аралык Run the Silk Road марафону 2026-жылдын 2-майында Ысык-Көлдүн жээгинде өткөрүлөт, анда ар түрдүү өлкөлөрдөн спортчулар жана туристтердин катышуусу күтүлүүдө.
