2026-жылдагы Дүйнө Кубогунун биринчи этабы World Boxing версиясы боюнча 20-апрелден 26-апрелге чейин Фош-ду-Игуасу шаарында өтөт.
Турнирде эркектер жана аялдар үчүн 20 комплект медаль ойнолот.
Кыргызстан командасынын курамында беш боксчу Данияр Төлөгөн уулунун жетекчилиги астында чыгышат.
Приздүү орундарды ээлеген спортчулар дүйнөлүк рейтингде 150, 100 жана 75 упай алышат.
Дүйнө Кубогунун кийинки этабы июнь айында Кытайда, ал эми акыркысы жылдын аягында Өзбекстанда өтөт.
Өткөн жылы Муранбек Сейитбек уулу Индияда финалга чыгып, Дүйнө Кубогунун күмүш медалын жеңип алган.
