18-январда Бишкекте 20 жашка чейинки жаштар арасында хоккей боюнча дүйнө чемпионатынын старту болду. Бул тууралуу Кыргызстандын мамлекеттик дене тарбия жана спорт агенттиги маалымдады.
Турнирдин ачылышына: КРнын өкмөтүнүн орун басары Эдиль Байсалов, борбордун мэри Айбек Джунушалиев, мамлекеттик дене тарбия жана спорт агенттигинин директору Казыбек Молдажиев, КРнын Улуттук олимпиада комитетинин төрагасы Умбеталы Кыдыралиев, Эл аралык хоккей федерациясынын кеңешинин мүчөсү Франц Рейндл жана КРнын Хоккей федерациясынын президенти Анвар Оморканов, ошондой эле машыктыруучулар, спортчулар жана күйөрмандар катышты.
Эдиль Байсалов катышуучуларга кайрылып, дүйнөнүн бардык жеринен келген жаш хоккейчилерди кыргыз жеринде тосуп алгандары үчүн кубанычын билдирди. Ал мындай эл аралык турнилер спорт аркылуу достукту бекемдөөгө жардам берерин жана жаштарга маанилүү тажрыйба берет деп белгиледи. Мындан тышкары, ал оюнчуларга адилеттүү оюн, мыкты спорттук рух жана унутулгус жолугушууларды каалады.
Ачылыш күнү Кыргызстан жаштар курамасы менен Гонконг (Кытай) командасынын ортосунда матч өттү.
Оюндун жыйынтыгында Кыргызстан курамасы Гонконгду 4:1 эсебинде жеңди.
U-20 хоккей боюнча дүйнө чемпионаты 24-январга чейин уланат. Турнире Кыргызстан, Мексика, Люксембург, Түштүк Африка, Иран жана Гонконг (Кытай) командалары катышууда.
