Торжестволук салтанатта өкмөт башчысынын орун басары Эдиль Байсалов командага эрктүүлүк, чыдамкайлык жана ишеним көрсөтүүнү чакырып, жаштар үчүн үлгү болууга үндөдү.
Казыбек Молдажиев өз кайрылуусунда катышуучулардын ар бир аракетинин Кыргызстандын спорт тарыхына жазыла турганын белгиледи.
Иш-чаранын аягында команда капитаны, пара пауэрлифтер Азизбек Нарбаевге Кыргыз Республикасынын мамлекеттик желеги тапшырылды.
Азиянын жаштар Пара оюндары 7-декабрдан 14-декабрга чейин өтөт, жана Кыргызстандын 40 адамдан турган делегациясы, анын ичинде 20 спортчу жана 10 машыктыруучу, мелдештерге жөнөйт. Спортчулар сууда сүзүү, таэквондо, жеңил атлетика, үстөл тенниси, пауэрлифтинг, голбол, армрестлинг жана бочча сыяктуу сегиз спорттун түрүндө катышат.
