Бул райондо 15 жылдан бери жашаган тургундардын бири, жолдордун абалы ушул убакытка чейин жакшырууда эмес экенин белгиледи. Бир гана өзгөрүү канализация системасынын түзүлүшү болду, бирок, тургундардын айтымында, иштер аяктагандан кийин жолдун абалы дагы начарлады.
Шаардыктар жергиликтүү бийликти жолдун абалын жакшыртуу үчүн реалдуу кадамдарды жасоого чакырышууда, анткени көчөдө көп адамдар жашайт жана учурдагы абал күнүмдүк жашоодо олуттуу ыңгайсыздыктарды жаратат.
Нааразычылыктарга жооп берип, мэрия Чуй көчөсүндө, 32-48 дарегинде "Ак-Босом" аймагында канализация тармагын тартуу боюнча иштер жүргүзүлгөнүн маалымдады. Күчтүү жаан-чачындан улам колодец сууга толуп, 2025-жылдын 17-декабрында калыбына келтирилип, кайрадан топурак менен жабылган.
