Оюнчу карьерасында Просинечки Югославиянын курамында 15 оюн өткөрүп, 4 гол киргизген, ошондой эле Хорватиянын курамында 49 оюнда 10 гол киргизген.
Клубдук деңгээлде 56 жаштагы машыктыруучу сербдин Црвена Звездасында (117 оюн жана 24 гол), Испаниянын Реал Мадридинде (55 оюн жана 10 гол), Реал Овьедодо (30 оюн жана 5 гол), Барселонада (19 оюн жана 2 гол), Севильяда (20 оюн жана 4 гол), бельгиялык Стандартта (20 оюн жана 4 гол), ошондой эле англиялык Портсмутта (33 оюн жана 9 гол) ойногон.
Просинечки оюнчу карьерасын 2004-жылы Загребде жыйынтыктап, андан кийин Загребдин «Динамосун» машыктыра баштаган.
Башкы машыктыруучу катары ал Црвена Звездада (Сербия), Кайсериспор жана Денизлиспордо (экиси да Түркия), ошондой эле Олимпияда (Словения) жана Рудеште (Хорватия) иштеген.
Мындан тышкары, ал Хорватия курамасынын башкы машыктыруучусунун жардамчысы болуп иштеп, Азербайжан, Босния жана Герцеговина, ошондой эле Черногориянын улуттук командаларын жетектеген.
Кыргызстандын курамасы 2027-жылдын январында Сауд Арабиясында өтө турган Азия Кубогунун финалдык этабына орун алып койгон.
