Бул автобустар мектеп окуучуларына акысыз транспортту камсыз кылып, аларга билим берүү мекемелерине жетүүгө жана кайра үйгө кайтууга мүмкүнчүлүк берет.
Достук айыл өкмөтүнүн башчысы Мамиржан Кадыров, айдоочуларды жана отунду кармоо үчүн финансылык чыгымдарды жергиликтүү муниципалдык ишкана жабат деп белгиледи.
З.М.Бабур атындагы орто мектептин директору Анваржан Махмудов, күн сайын болжол менен 140 окуучу мектеп автобустарын колдонорун билдирди. «Бизде эки автобус бар. Кээ бир балдар 10 чакырымга чейин жайгашкан айылдардан келишет. Биздин мектепте 1250 окуучу билим алат, автобустар күнүнө үч рейс жасайт. Коопсуздук абдан жогорулады — мурда балдар жеке унаалар менен барышчу, азыр болсо алар убагында жана коопсуз жетишет», — деп кошумчалады ал.
Айылдык аймактын тургуну Назима Токтошева, мурда балдарын мектепке жеткирүү үчүн такси кызматтарына кайрылууга туура келгенин айтып берди.
«Эми менин балам акысыз мектеп автобусуна минип жүрөт. Мектепке болгон аралыкка байланыштуу, мурун таксига чыгымдалууга туура келчү. Эми коопсуз жана кошумча чыгымдарсыз. Уулум кечки алтыда үйгө кайтып келет. Биз, ата-энелер, “Евразия” уюмуна бул белек үчүн ыраазыбыз», — деди ал.
