Мамлекет башчысы Бишкектеги соода борборлорунун биринде уюштурулган шайлоо участогун зыярат кылып, тесттик добуш берүүнүн катышуучусу болду.
БШКнын төрагасы Тынчтык Шайназаров президентке шайлоо жабдыктарынын иштешин көрсөтүп, алыстан добуш берүүнүн өзгөчөлүктөрүн түшүндүрдү. Тестирлөө учурунда система кайрадан добуш берүүнү алдын алчу механизмди да көрсөттү: башка участокто онлайн-идентификациядан өтүүгө аракет кылганда, программа шайлоочунун мурда добуш бергенин билдирип, бюллетень бербеди.
Алыстан добуш берүүнүн тестирлөөсү өлкөнүн бардык шайлоо участкаларында жана Россиянын айрым шаарларында Борбордук шайлоо комиссиясы тарабынан жүргүзүлүп жатканын эске салабыз. Мурда мындай тесттер 10 жана 20-октябрда жарандарды жаңы система менен тааныштырууга жана анын ишенимдүүлүгүн, ыңгайлуулугун текшерүүгө багытталып өткөрүлгөн.
