Дейв жана Дебра Корбеил Кыргызстан жөнүндө

Он жылдык саякатта үй-бүлө 107 өлкөдө болуп, бардык континенттерди кыдырышты

Популярдуу туристтик сайттын негиздөөчүлөрү The Planet D Дейв жана Дебра Корбеил августтун аягында Кыргызстанда болушту. Үй-бүлө республика боюнча саякаттары тууралуу түстүү роликти сунуштады.

"Кыргызстан Улуу Жибек жолунда чоң оюнчу болгон жана 1991-жылы көз карандысыздыкка ээ болгондон кийин көп өзгөрүүлөрдү башынан өткөрдү. Эки революция, экономикадагы кыйынчылыктар… Мамлекет дүйнөлүк аренада саякаттоо үчүн эң сонун жер катары өзүн көрсөтө баштады", — деп белгилешти блогерлер.


Канадандык үй-бүлө ошондой эле өзүнүн расмий Instagram баракчасында Кыргызстандагы таасирдүү сүрөттөрдү бөлүштү.

Саякаттар боюнча сайт The Planet D 2008-жылы, Корбеил жубайлары Каирден Кейптаунга чейин велосипед менен саякаттаган соң ачылган. Ошондон бери алар 107 өлкөнү кыдырышты жана бардык континенттерде болушту. Бул жылдын башында америкалык Forbes журналы туристтик блогдун негиздөөчүлөрүн дүйнөдөгү эң таасирдүү 10 саякат блогеринин катарына киргизди.