Кыргызстан 2019-жылы Lonely Planet басылмасынын версиясы боюнча саякаттоо үчүн эң мыкты 10 өлкөнүн катарына кирди
Авторитеттүү эл аралык басылма Lonely Planet Кыргызстанды 2019-жылы саякаттоо үчүн эң мыкты он өлкөнүн тизмесине киргизди.
Рейтинг авторитеттүү басылманын редакторлорунун, эл аралык изилдөөчүлөрдүн жана башка адамдардын пикирине негизделген.
Lonely Planet — 1972-жылы негизделген басылма. Кедей туристтер үчүн саякат жол көрсөтмөлөрүн чыгарууга адистешкен биринчи расмий басылмалардын бири. Башкы кеңсеси Австралияда жайгашкан.
Биздин республика рейтингде бешинчи орунду ээлейт, ал эми биринчи орунда Шри-Ланка турат. Бул өлкөнүн бийликтери он жылдык ички конфликттен кийин туристтик инфраструктураны кыйла жакшыртууга жетишти. Экинчи орунда — Германия, ал эми үчүнчү орунду Зимбабве ээлейт.
Рейтингдин түзүүчүлөрү туристтердин Кыргызстанга болгон кызыгуусу III Дүйнөлүк көчмөндөр оюндары өткөрүлгөндөн кийин өскөнүн белгилешет.
"Жөө жүрүштөр үчүн жаңы маршруттар 2,7 миң чакырымга созулат, туристтик продукттарды илгерилетүү, модернизацияланган улуттук автомагистраль, жөнөкөйлөтүлгөн электрондук виза… Кыргызстан таза табигый сулуулукту издеп жаткан саякатчылар үчүн ыкчам түрдө сүйүктүү жерге айланып баратат", — деп белгилешет авторлор.
Эң "туристтик" өлкөлөрдүн ондугуна Панама, Иордания, Индонезия, Беларусь, Сан-Томе жана Принсипи (Ортолук Африкадагы аралдык мамлекет) да кирди. Рейтинг редакторлордун, изилдөөчүлөрдүн жана башка адамдардын пикири боюнча түзүлгөн. Алардын тандоосун атайын калыстар тобу баалаган.
Lonely Planet — 1972-жылы негизделген басылма. Кедей туристтер үчүн саякат жол көрсөтмөлөрүн чыгарууга адистешкен биринчи расмий басылмалардын бири. Башкы кеңсеси Австралияда жайгашкан.
Британиялык басылма The Guardian Кыргызстанды саякаттоо үчүн эң мыкты 40 өлкөнүн катарына киргизди
