Кыргызстанда белгилүү жазуучу Чынгыз Айтматовдун өмүрү жана чыгармачылыгына арналган «Айтматов» фильмине расмий тизердин релизи болуп өттү. Бул маалыматты Кыргыз Республикасынын Маданият, маалымат жана жаштар саясаты министрлиги билдирди.
Авторлордун айтымында, аталган иш биринчи толук метраждуу фильм болуп, жазуучунун биографиялык материалдарына негизделет. Экрандаштыруу үчүн бардык зарыл укуктар мыйзамга ылайык расмий түрдө катталган.
Фильм Чынгыз Айтматовдун өмүрүнүн негизги учурларын жана анын дүйнөлүк маданиятка кошкон маанилүү салымын көрсөтүүчү биографиялык драма болуп саналат.
Фильмдин премьерасы 2026-жылга пландалган.
