Акынбеков Мэлс Токтосунович

Акынбеков Мэлс Токтосунович

Сүрөтчү. 1942-жылдын 12-ноябрында Ош облусунун Совет районуна караштуу Алай-Куу айылында төрөлгөн. 1967-жылы Фрунзе көркөм өнөр окуу жайын, дизайнердик бөлүмүн аяктаган.

1970-жылдан бери - СССР сүрөтчүлөр союзунун мүчөсү, Кыргызстан көркөм фондунун башкы сүрөтчүсү. Негизинен жанрдык сүрөтчү катары иштеген. Иштери ар түрдүү темада. Ал кыргыздын салттуу турмушунун кооздугун даңазалап, революциялык темаларды иштеп чыккан. 70-жылдардын аягында сүрөтчү заманбап курулуштар темасында бир катар картиналарды жана айыл чарба тармагындагы алдыңкы кызматкерлердин портреттеринин циклын жараткан. Республикалык, бүткүл союздук жана эл аралык көргөзмөлөрдүн катышуучусу. Эмгектери Кыргызстандын Г.Айтиева атындагы мамлекеттик көркөм искусстволор музейинде, ошондой эле Мамлекеттик Третьяков галереясында жана ТМД музейлеринде жайгашкан.

СССР ВДНХсынын Күмүш медалы, Кыргыз ССРинин ЛКСМ БКнын Ардак грамотасы менен сыйланган.

Негизги эмгектери
Кашка - Суу. 1969. Кенеп, май. 70x50.
Кум-Бель. 1969. Картон, май 100x80.
Алай - Ку өрөөнүндө. 1970. Кенеп, май. 150x160.
Козлодрание. 1970. Кенеп, май. 165x70.
Менин апам. 1970. Кенеп; май. 70x50.
Кызды кууп жет. Триптих. 1971. Кенеп, май. Сүйүү. 90х70,
Кыз - куумай. 90x120, Соперниктер. 90x80.
Алайдын узорлору. 1971. Кенеп, май. 180x170.
Бригада. 1972. Кенеп, май. 180x7175.
Айылдык мотив. 1972. Картон, май. 70х 100.
Апамдын портрети. 1973. Кенеп, май. 60x80.
Активистка. Уркуе Салиевой арналат. 1978. Кенеп, май.