Артыкбаев Карабек
Сүрөтчү. Кыргыз Республикасынын эмгек сиңирген маданият ишмери. 1948-жылдын 15-февралында Кыргыз ССРинин Москва районундагы Кенер-Арык айылында туулган. 1968-жылы Фрунзе көркөм өнөр окуу жайын, 1974-жылы Москва мамлекеттик В.И. Суриков атындагы институтунун А.М. Грицяйдын чеберчилигин аяктаган.
1975-жылдан бери СССР сүрөтчүлөр союзунун мүчөсү.
К. Артыкбаевге дүйнөнү реалисттик көз караш менен көрүү, кыргыз сүрөтүнүн мыкты салттарына кызыгуу мүнөздүү. Ал элдик турмуштун кеңири сүрөтүн берүүчү сюжеттерди тандайт, анда жаңы социалдык мамилелер өткөндүн дагы жоюлбаган адаттары менен айкалышат, ошондой эле тарыхый-революциялык темада да иштейт. Республика, союздук жана эл аралык көргөзмөлөрдүн катышуучусу. Эмгектери Кыргыз улуттук көркөм искусствосунун музейинде, Мамлекеттик Третьяков галереясында, Россиянын көркөм академиясында жайгашкан. СССР көркөм академиясынын дипломун, СССР ВДНХнын Ардак дипломун, Кыргыз ССРинин Жогорку Советинин Президиумунун Грамотасын алган.
Негизги эмгектери
Той. 1972. Кенеп, май. 120x200.
Жаныбарчынын майрамы. 1974. Кенеп, май. 140x300.
Эмгектен кийин эс алуу. 1974. Кенеп, май. 79x106.
Памирдеги эс алуу. 1975. Кенеп, май. 124x125.
Кошмону даярдоо. 1975. Кенеп, май. 82x134.
Көктөмдөгү кыял. 1976. Кенеп, май. 95x107.
Купальщицалар. 1976. Кенеп, май. 86x112.
Революция жана эл. 1977. Кенеп, май 170x269.
Аламан байга. 1978. Кенеп, май. 147x150.
Тынчтык. 1978. Кенеп, май. 65x126.
Жаныбарчылар. 1980. Кенеп, май. 120x150.
