Бейшенов Асаналы

Бейшенов Асаналы

Сүрөтчү. Кыргыз Республикасынын эл сүрөтчүсү. 1941-жылдын 24-апрелинде Аламедин районундагы Киров атындагы колхоздо төрөлгөн. 1961-жылы Фрунзе шаарындагы сүрөтчүлүк окуу жайынын педагогикалык бөлүмүн, 1969-жылы Москвадагы В.И. Суриков атындагы сүрөт институтунун живопись факультетин аяктаган. 1976-жылы Кыргызстандын сүрөтчүлөр союзунун Ош облустук бөлүмүн уюштурууга катышкан сүрөтчүлөрдүн бири.

1971-жылдан бери СССР сүрөтчүлөр союзунун мүчөсү.

Жанрдык чыгармаларында кыргыз искусствосуна мүнөздүү адам менен табияттын өз ара байланыш темасы, ошондой эле эмгек темасы баса белгиленген. Бейшенов портрет жанрында да иштейт. Анын портреттик иштерине табигый байкоолордун курчтугу жана кооз живопистик чечимдер мүнөздүү.

Республикалык жана эл аралык көргөзмөлөрдүн катышуучусу. Анын чыгармалары Кыргыз Республикасынын Г.Айтиева атындагы көркөм искусстволор улуттук музейинде, ошондой эле ТМД жана алыскы чет өлкөлөрдүн музейлеринде жайгашкан.

НАСЫЯЛЫК ИШТЕР

Тандыр. 1968. Кенеп, май. 90x80.
Козулар. 1971. Кенеп, май. 80x100.
Кечүү. 1971. Кенеп, май. 139,5x165.
Досторум менен. 1972. Кенеп, май. 155x160.
Уруш жылдары. Буурчак жыйноо. 1973. Кенеп, май. 99x99.
Алма дарагынын алдында. 1974. Кенеп, май. 130x100.
Фронтко узатуу. 1974. Кенеп, май. 131x141.
Табунчулар. 1975. Кенеп, май. 112x141.
Капустаны көтөргөндөр. 1975. Кенеп, май. 104x120.
Китеп окуган кыз. 1977. Кенеп, май. 100x80.
Продотряд. 1977. Кенеп, май. 65x70.
Ошто. 1980. Кенеп, май. 100x140.