Болжуров Эркин Оторбекович
Фотосүрөтчү. 1958-жылдын 6-январында Чүй облусунун Сокулук районундагы Кызыл-Суу айылында төрөлгөн. 1982-жылы С.А.Чуйков атындагы Кыргыз мамлекеттик көркөм сүрөт училищесин аяктаган. 198К2004-жылдары Кыргыз улуттук көркөм искусстволор музейинин фотолабораториясынын бөлүм башчысы болуп иштеген.
1998-жылдан бери Кыргыз Республикасынын Кинематографисттер Союзунун мүчөсү, 2007-жылдан бери Кыргыз Республикасынын Сүрөтчүлөр Союзунун мүчөсү.
Республикалык жана эл аралык фото көргөзмөлөрдүн катышуучусу. «Сорос-Кыргызстан» фондунун фото-календарларынын автору: «Курак», «Түштүк аялдары», «Элдик музыкалык аспаптар».
«Селкинчек», «Бешкемпир», «Маймыл» кинофильмдеринин сүрөтчү-фотографы жана режиссер Актан Абдыкалыковдун жети социалдык ролигинин оператору-постановщиги. «Манасчы», «Жер алдындагы өтүү» документалдык фильмдеринин оператору-постановщиги жана төрт видеороликтин оператору. ЮНИСЕФтин заказына ылайык «Кыргызстандын балдары» көчмө фото көргөзмөсүнүн фотографы. 2003-жылдан бери Кыргыз Республикасынын Президентине расмий фотограф болуп иштейт.
Кыргыз Республикасынын Президентинен Ардак грамота менен сыйланган.
НАСЫЯЛЫК ИШТЕР
Автопортрет. 1982. Кенеп, май. 30x25.
Күзгү этюд. 1983. Кенеп, май. 35x26.
Келечегиңер кең болсун! 1993. Фото-плакат. 60x80.
Бешкемпир. 1997. Календарь. 35x70.
Аңчынын портрети. 2002. Литография кенепте. 40х45.
Кочкор өрөөнү. 2006. Кагаз, акварель. 28x38.
Ысык-Көлдүн түштүк жээги. 2007. Кагаз, акварель. 28x38.
Устат жана анын чыгармасы. 2007. Аралаш техника. 62x122.
Убакыттын байланышы. 2007. Шелкография. 37x113
