Техникалык илимдердин доктору, Кыргыз Республикасынын Инженердик академиясынын корреспондент-мүчөсү, Кыргыз Республикасынын эмгек сиңирген ойлоп табуучусу.
1940-жылы төрөлгөн. 1964-жылы Томск политехникалык институтун аяктаган.
Инженер-технолог, улук инженер, технологиялык лабораториянын начальниги, Борбордук илимий-изилдөө лабораториясынын орун басары, “Южполиметалл” өндүрүш бирикмесинин башкы инженери, “Южполиметалл” концернинин президенти болуп иштеген.
Ал түстүү металлургия тармагында жаңы технологияларды иштеп чыгуу жана өздөштүрүүгө чоң салым кошкон, түстүү металлургиядагы илимий-техникалык жетишкендиктерди: Өзбекстандын катаал жана жогорку температурага чыдамдуу металлдар комбинатына, Скопин гидрометаллургия заводуна, Кыргызстандын алтын кен комбинатына өткөрүп берген.
Ал техниканы жана технологияны жакшыртуу багыттарын тандоонун теориясын, ири масштабдагы өндүрүштөрдүн технологиялык схемаларын иштеп чыгуу жана өнөр жайда өздөштүрүү боюнча теорияны иштеп чыккан.
“Эмгек сиңирген иши үчүн” медалы менен сыйланган, түстүү металлургиядагы калдыктарды кайра иштетүү боюнча технологиялык жана аппараттык схеманы иштеп чыгуу үчүн СССРдин ВДНХсында алтын медаль алган.
100дөн ашык илимий отчеттор, макалалар жана докладдар жарыяланган, 146 ойлоп табуунун автору.
Негизги ойлоп табуулар:
1. Металлдарды эритмелерден жана пульпадан сорбциялык жол менен алуу ыкмасы. Автордук күбөлүк № 342654, 1970. 2. Ион алмаштыруучу колонна. Автордук күбөлүк № 605632, 1978. 3. Сорбциялык аппарат. Автордук күбөлүк № 6686%, 1979. 4. Магистралдык түтүктү оңдоого даярдоо ыкмасы. Автордук күбөлүк № 1083026, 1984.
