Сапардын алкагында Кахраманмараштын зергерлер палатасынын өкүлдөрү менен жолугушуу болуп, кызматташтыктын келечеги, кадрларды даярдоо жана зергердик өндүрүштөгү тажрыйба алмашуу маселелери талкууланды.
Мындан тышкары, ГНС жана Кыргыз-Түрк университети «Манас» Кыргызстанда зергердик тармакты биргелешип өнүктүрүү ниетинде экендиги белгиленди.
«Айрыкча, зергердик өнөрдүн усталарын даярдоого адистешкен факультетти түзүү маселеси каралууда», - деп айтылат расмий билдирүүдө.
ГНСтин маалыматына ылайык, бул кызматташтык улуттук өндүрүштү өнүктүрүүнүн, усталардын квалификациясын жогорулатуунун жана кыргыз зергердик буюмдарынын экспорттук мүмкүнчүлүктөрүн кеңейтүүнүн негизин түзөт.
