Конкурс эки этаптан турган жана «Кыргыз тили» (1–12-класстар), «География» жана «Тарых» (7–12-класстар) предметтерин камтыган.
Биринчи этапта катышуучулардын резюмелерин, алардын профессионалдык тажрыйбасын, ошондой эле илимий-методикалык жетишкендиктерин жана компетенттүүлүк деңгээлин талдоо жүргүзгөн атайын комиссия түзүлгөн.
Экинчи этапта талапкерлер сунушталган тапшырма негизинде өз долбоорлорун оффлайн жана онлайн форматтарда коргоп беришкен.
Конкурстун жыйынтыгы боюнча:
- «География» боюнча 10 арыз берилген, жана бардык 10 автор тандалган;
- «Тарых» боюнча 16 арыз келип түшкөн, анын ичинен 8 автор тандалган;
- «Кыргыз тили» боюнча 24 арыз алынган, жана 5 автор тандалган.
«Кыргыз тили» предмети боюнча конкурстун жыйынтыгы менен кошумча авторлорду тартуу зарылдыгы пайда болду.
Окуу китептеринин авторлорун жана иштеп чыгуучуларын тандоо боюнча конкурс 2025-жылдын 10-октябрында жарыяланган.
