Министрликтин сүрөтү
Конкурс эки этапта өттү, ал «Кыргыз тили» (1-12-класстар үчүн), «География» жана «Тарых» (7-12-класстар үчүн) предметтерин камтыйт.
Биринчи этапта катышуучулардын резюмелери, алардын кесиптик тажрыйбасы, ошондой эле илимий-методикалык иштер жана атайын комиссия тарабынан компетенттүүлүк деңгээли бааланды.
Экинчи этапта талапкерлер белгиленген критерийлерге негизделген долбоорлорун оффлайн жана онлайн форматында презентация түрүндө сунушташты.
Конкурстун жыйынтыктары боюнча:
- «География» боюнча 10 арыз берилди, бардык авторлор тандалды;
- «Тарых» боюнча 16 арыздан 8 автор тандалды;
- «Кыргыз тили» боюнча 24 арыздан 5 автор тандалды.
Мындан тышкары, «Кыргыз тили» предмети боюнча кошумча авторлорду тартуу зарылдыгы белгиленди.
2025/26 окуу жылында 12 жылдык программага өтүү менен STEM дисциплиналар, математика жана англис тили боюнча жаңы окуу китептерин этап-этабы менен киргизүү пландалууда.
