Берилген маалыматка ылайык, Кыргызстанга нефть жеткирүү ноябрь айында калыбына келтирилген. Мурда бул маршрут боюнча ташуу 2017-жылы жүргүзүлгөн. 2025-жылдын аягына чейин өлкөгө 30 миң тонна нефть жеткирилет деп пландалууда.
Өзбекстанга нефть транзити да декабрь айына пландалган, көлөмү 35 миң тоннага чейин.
«Эки багытка жеткирилген нефтьтин жалпы көлөмү 65 миң тоннага чейин жетет, анын ичинен 55 миң тоннасы ушул айда жөнөтүлөт», — деп айтылат пресс-релизде.
Нефть ташуу магистралдык нефть түтүктөрү аркылуу «Шагыр» нефть куюу пунктуна чейин жүргүзүлөт, ал жерде нефть темир жол цистерналарга куюлат.
