Кыргызстанда ун запасы жазга чейин жетет
2017-жылы Кыргызстанда буудай түшүмү 665 миң тоннага жетти.
Бул боюнча республикада ун запасы 2018-жылдын жазына чейин жетет. Бул тууралуу айыл чарба, тамак-аш өнөр жайы жана мелорация министринин орун басары Эркинбек Чодуев маалымат жыйынында билдирди.
«Бизде ун, негизги азык-түлүктөрдүн бири, азык-түлүк коопсуздугу камсыздалат деген ишеним бар», — деп баса белгиледи чиновник.
Эскерте кетсек, мурдагы маалыматтарда Казакстан ун ташууну кескин кыскартып, Кыргызстанга жүк ташуучу вагондордун жетишсиздигинен улам ун жеткирүүнү токтоткондугу айтылган. Азыркы учурда кыргызстандык сатып алуучулар төлөнгөн арыздардын болгону 20% — 30%ын гана алышууда.
Расмий маалыматтарга ылайык, 2016-жылы Казакстан Кыргызстанга 27 миң тоннанын үстүндө ун жеткирген. Бул казакстандык ун экспортунун жалпы көлөмүнүн болгону 1%ын түзөт.
2017-жылдын сентябрь айында Кыргызстан өкмөтү республика аймагында казакстандык байытылбаган унду сатууга тыюу салды. Октябрь айынын аягынан баштап кыргыз тарап Казакстандан байытылбаган унду экспорттоого жана колдонууга тыюу салды. Эреже бузгандарга 50 миң сом өлчөмүндө айып пул салынат.
Ошондой эле, мурда кыргызстандык ишкерлер Кыргызстан ЕАЭБге киргенден кийин, арзан казакстандык ундун импорту кескин өскөндүгүн, бул жергиликтүү ун тартуучу ишканалардын өндүрүшүнүн төмөндөшүнө алып келгенин бир нече жолу билдиришкен.
Кыргызстандык ун тартуучулар ун өндүрүүдө көбүнчө импорттолгон данды Кыргызстанда өскөн дан менен аралаштырышат, анткени акыркысынын клейковина деңгээли өтө төмөн. Ошондуктан, жергиликтүү ун кыргызстандыктар арасында аз талапка ээ жана Россия менен Казакстанда өндүрүлгөн ун менен начар атаандаштыкка ээ.
Кыргызстанда дээрлик 1,5 миллион тонна картошка жыйналды, деп билдирет республикадагы айыл чарба, тамак-аш өнөр жайы жана мелорация министрлиги.
Ведомствонун маалыматына ылайык, республикада жалпы 247,9 миң тонна мөмө-жемиш жана 911 миң тонна жашылча, 1 миллион 760 миң тонна дан эгиндери жыйналды, анын ичинде буудай 665 миң тонна, кант кызылчасы 647 миң тонна.
