Жогорку Кенештин комитеттеринин бириккен жыйынында өкмөт башчы Адылбек Касымалиев 2024-жылы ички дүң продукциянын (ИДП) өсүү темптери 11,5% түзгөнүн билдирди. Бул деңгээл 2025-жылы да сакталат, ал эми ушул жылдын биринчи 11 айында ИДПнын өсүшү 10,2% жетти.
Алдын ала маалыматтар боюнча, 2024-жылы ИДПнын көлөмү 1,6 трлн сомду түзгөн, 2025-жылы болсо, болжолдорго ылайык, 1,8 трлн сомдон ашат.
«2020-жылы ИДПнын көлөмү 639 млрд сомду түзгөн. Садыр Жапаров бийликке келгенден кийин бул көрсөткүч үч эсе өстү. Бул экономикабыздын туруктуу өнүгүшүн жана жүргүзүлүп жаткан реформалардын натыйжалуулугун көрсөтөт. Кыргызстан 2024-жылы дүйнө өлкөлөрү арасында ИДПнын өсүү темптери боюнча биринчи орундардын бирин ээлеп, 2025-жылы ЕАЭБ өлкөлөрүнүн арасында лидер болду. Бул Кыргызстан дүйнөлүк аренада тез өнүгүп жаткан өлкө катары маанилүү роль ойной баштаганын көрсөтөт. Бул тууралуу Россиянын президенти Владимир Путин Санкт-Петербургда өткөн СНГнын бейформал саммитинде белгилеген», - деп кошумчалады Касымалиев.
