Бирикмеге мүчө мамлекеттердин экономикалык өнүгүүсүнүн алдын ала жыйынтыктарын талкуулоо учурунда, ЖИПтин өсүү темптери ЕАЭБдин үч өлкөсүндө жогору бойдон калууда: Арменияда (6%), Казакстанда (6,3%) жана Кыргызстанда (10%). Ошол эле учурда Беларусия жана Россияда өсүүнүн бир аз жайлашы байкалууда.
Данияр Иманалиев бирикмеге мүчө өлкөлөрдүн көпчүлүк макроэкономикалык көрсөткүчтөрү оң динамиканы көрсөтүп жатканын белгиледи.
«Ички рынокко багытталган экономика секторлорунда, мисалы, бөлшек соода жана курулушта, өсүш жогору бойдон калууда. Көпчүлүк өлкөлөрдө жумушсуздук деңгээли тарыхый төмөн деңгээлде», — деп кошумчалады ал.
