Жогорку Кенештин комитеттеринин бириктирилген жыйынында өкмөт башчы Адылбек Касымалиев 2026-жылга карата консолидирленген бюджет 843,6 миллиард сом өлчөмүндө бекитилгенин билдирди.
Ал ошондой эле, өкмөт келерки жылы 1 трлн сомдон кем эмес каражат топтоого аракет кылып жатканын, бул максатка жетүү үчүн бардык күчүн жумшай турганын кошумчалады.
Анын айтымында, салыктык түшүүлөр 460,8 млрд сом деңгээлинде пландалган, бул жерде Мамлекеттик салык кызматына 318,2 млрд сом, ал эми Мамлекеттик бажы кызматына 142,6 млрд сом пландалган. Мындан тышкары, салыктык эмес кирешелер 129,8 млрд сомго жетет деп күтүлүүдө», - деди ал.
