Анын айтымында, 2021-жылдан 2025-жылга чейин кен-металлургия ишканалары жыл сайын орточо 40 миллиард сомду өлкөнүн бюджетине которуп турушкан.
«Бул сумма маанилүү, ошондуктан бул тармакка өзгөчө көңүл буруу жана анын өнүгүшүнө шарттарды түзүү керек», — деп белгиледи Маралбаев.
Мындан тышкары, ал АКШга болгон сапарында өлкөнүн президенти критикалык материалдардын маанисин талкуулаганын айтты.
«Бул XXI кылымдын минералдары, бизде запастары бар. Биз аларды казып алуу жана кайра иштетүү үчүн күч-аракет жумшашыбыз керек», — деп кошумчалады Жер пайдалануу союзунун төрагасы.
Ал ошондой эле кен-металлургия тармагы Кыргызстандын экономикалык өнүгүшүнө салым кошуучу негизги факторлордун бири экенин баса белгиледи.
