Маалыматка ылайык, рейд шаардагы ири базарлардын биринде азык-түлүк коопсуздугун контролдоо жана аталган товарлардын бааларын мониторингдөө максатында уюштурулган.
Иш-чарага шаар мэринин орун басары Манас Абдыкалыков жана шаардык ички иштер башкармалыгы, Улуттук коопсуздук мамлекеттик комитети, салык инспекциясы, ошондой эле санитардык-эпидемиологиялык жана ветеринардык кызматтардын өкүлдөрү катышты.
Текшерүү учурунда биринчи кезектеги муктаждык товарларына — эт жана көмүргө өзгөчө көңүл бөлүндү. Сатуучүлөр менен сүйлөшүүлөр жүргүзүлүп, төмөнкүлөр текшерилди:
- продукциянын санитардык шарттары;
- сактоо шарттары;
- жарактуулук мөөнөттөрү;
- зарыл уруксат берүүчү документтердин болушу;
- соода эрежелеринин сакталуусу.
Мыйзам бузулуулары аныкталган сатуучүлөргө мыйзамдарды сактоо зарылдыгы түшүндүрүлүп, азык-түлүктөрдүн баасын негизсиз жогорулатууга жол бербөө жөнүндө сүйлөшүүлөр жүргүзүлдү.
Кара-Кулдагы текшерүүлөр келечекте да улантылат.
Мындан тышкары, мэрдин орун басары арзандатылган баада товар сунуштаган соодагерлерди сатып алуучулардын көп агымына ээ болгон жерлерге жайгаштырууну, ошондой эле базардан тышкары иштеген айрым сатуучүлөрдү соода аймагына көчүрүүнү тапшырды.
