Жергиликтүү тургундар Чүй облусунда, «12 каминов» эс алуу зонасынан алыс эмес жерде, атайын техника колдонулуп, жер казуу иштеринин жүргүзүлүп жатканын билдиришти.
Окуя болгон жерге чыгып кеткен Аламедин райондук мамлекеттик администрациясынын комиссиясы «Чайна Роуд» компаниясынын бул аймакта ишин токтотуу чечими кабыл алынганын тастыктады.
«3-январь 2025-жылы социалдык тармактарда жайгаштырылган сүрөттөрдө байкалган техника ОсОО «Чайна Роуд» компаниясына таандык. Ал жол курулушу үчүн инерттик материалдарды казып алуу жана даярдоо үчүн колдонулган. Жергиликтүү тургундардын экологияга терс таасир тийгизүү мүмкүнчүлүгүнө байланыштуу нааразычылыгынан улам, комиссия түзүлүп, бул участокто иштерди токтотуу чечими кабыл алынды. Учурда эч кандай иштер жүргүзүлбөйт», - деп айтылат расмий билдирүүдө.
